Ua tuuina mai nei fautuaga i le mamalu lautele ina ia ‘aua nei taumafaina mata le fuāmoa ao su’esu’e ai pea aafiaga ua iai le faama’i o manulele poo le bird flu.
O lea ua faamaonia mai e le Matagaluega a le Primary Industries e 80,000 moa ua vavae ese mai le pa moa ma e ono tuu i lalo ona o lea ua vave le pepesi i totonu o le pa moa i Otago.
E 6 isi pa moa o lea ua faasolo su’esu’ega ma ua faia foi sone mo le puipuia.
Ta’ua e le matagaluega e lē o iai se tulaga e faapopoleina ai le saogalemu ma o le bird flu foi e tineia pe a kuka ma faavela lelei fuamoa.
Ua toe faamanatu ai e le mataluega e lē tatau ona taumafa mata le fuamoa, ma o se fautuaga foi o loo faaluaina e le vaega o loo puipuia meaai i Ausetalia.
O le amataga o le tausaga nei lea lava foi na tuu ai I lalo le silia ma le tasi miliona o moa i Victoria i Ausetalia ona lava o le bird flu.
Puna o Faamatalaga: https://www.rnz.co.nz/news/national/535547/bird-flu-outbreak-don-t-eat-raw-eggs-experts-warn
