O loo tālia e le atunuu se finagalo o le Malo i se fuafuaga i se aso e faatino ai se tali faaaloalo mo le au lakapi a le atunuu le Toa Samoa, ae ua agiga se finagalo o le taitai o le Itu agai le susuga Tuilaepa L Sailele Maliegaoi, ua ave ai lana tuualalo i se aso malolo, ma vavae ese se tai 10 afe tala mai le tai miliona a itumalo i lalo o le fuafuaga o le atiina a’e o le manuia o tagata o itumalo faapalota e 51, e tapena ai se meaalofa mo tama o le ‘au, o faiaoga ma le pulega.
Na toe faailoa lea finagalo o Tuilaepa i lana feiloaiga masani ma nisi o tusitala i le vaiaso nei, ae ua tali iai le Minisita o Faatoaga ma Faiga Faiva ua fautuaina ai e le susuga Laauli Leuatea Polataivao Fosi Schmidt le taitai o le Itu agai, e taatia atu i le Malo le tapenaga.
Le finagalo o le taitai o le Itu agai susuga Tuilaepa L Sailele Malielegaoi i le feiloaiga ma tusitala, ma le finagalo o le Minisita o Faatoaga ma Faigafaiva susuga Laaulialemalietoaf Leuatea Polataivao Fosi Schmidt i le polokalame o le Soalepule a le TV2.
O le amataga o le vaiaso nei na taunuu ai le ‘au i Ausetalia o loo faamautu ai le toatele o tama o le’ au a le Toa Samoa ina ua mae’a le taamilosaga o le Ipu o le lalolagi i le lakapi liki.
