E tusa ma le 50 ma ona tupu tausaga le matua o le tina na fasiotia i le faai’uga o le vaiaso i Kalaiesetete, ma e lē iloa poo le ā le mafuaaga.

O le afiafi o le Aso Toonai na lipotia ma oo atu ai leoleo i Sockburn ma maua ai le tina ma ona manu’aga tugā, ma e le’i umi se taimi ae maliu i lea lava nofoaga.

Ua molia ai le tama 37 tausaga i le fasioti tagata ma e tulai i le asō i luma o le faamasinoga.

O lē ua molia na ave faatasi ai ma se tasi o lona aiga, peitai e tuuina mai lipoti a leoleo ananafi ua toe tatala i tua le isi ona e le’i aafia i le osofa’iga e ui e aiga i lē ua molia’

Ta’ua mai e le leitio a Niu Sila o se vaaiga faamomoiloto le tatui (tulou), ma o lē ua maliu faato’ā mānava mai lana galuega ma na te lē silafia foi lē na faaoomanu’a ia te ia lea ua maliu ai.

O lē ua molia e iloa e leoleo ma o loo faaauau pea nei su’esu’ega.