O le atalii 8 tausaga ua maliu mai Hamilton o loo tuua’ia na sasa i le samala a o momoe ma lona tamā i le moega.
O le mataupu lenei na faamanu’alia ai tagata e to’atolu i le afiafi o le Aso Sa ma o lea foi na auina atu i le falema’i i Waikato, peitai na maliu ai lava le atalii ia Zahquiel Taipeti i lea lava po ona o ona manu’aga.
O le aso ananafi lea na tu ai le tamā 37 tausaga i luma o le Faamasinoga Faaitumalo i Hamilton lea ua molia i le fasioti tagata faapea le faaoomanu’a ma o loo taofia pea i lalo o vaavaaiga e tālia lona toe tula’i i le aso 17 o le masina nei lava.
O le mataupu lenei e faapea o se feeseesea’iga na mafua ai, ma o lea foi na faamanu’alia ai ma le tamā o lē ua maliu lea na momoe faatasi.
Puna o Faamatalaga: Hamilton child homicide: Zahquiel Taipeti, 8, allegedly attacked with hammer as he slept | RNZ News
