Ua faate’ia le to’atele i le faai’uga a le Palemia fou o Farani lea ua faamavae ae faato’ā mae’a ni nai itula talu ona ia faailoa lana Kapeneta.
Fai mai lipoti a le CNN o le Palemia lea o Sebastien Lecornu o se paaga autū a le Peresetene o Farani, Emmanuel Macron, ma e le’i atoa se fā vaiaso talu ona tula’i mai ae o lea ua toe faamavae ma ua faamauina ai foi o ia o le Palemia aupito itiiti le taimi na tula’i mai ai i le talafaasolopito o Farani.
Ua faailoa i faasalalauga ua atili gugulu ai le atunuu aemaise o i latou e tetee i pulega a Macron lea ua ta’ua e lē taumate ua omia i le tulimanu, poo le valaau loa o se snap election pe aga’i ese loa mai le nofoa ae filifili se isi Peresetene fou o le atunuu.
Ua lipotia foi se faamatalaga mai le Palemia ua faamavae nei e faapea e lē mafai ona avea ma Palemia pe afai e lē o iai tulaga e ao ona iai.
Puna o Faamatalaga: https://edition.cnn.com/2025/10/06/europe/france-prime-minister-sebastien-lecornu-resigns-intl
