E toalua alii na tafana i Lower Hutt ma o le toatasi na maliu ai lava a o iai i se tasi o faigapati i le vaveao o le Aso Toonai.

O se lipoti mai leoleo o lea sa iai sui o le kegi i le pati ma o loo taumafai nei e suesue ma fesootai molimau eseese.

E tusa o le itula e 2 i le vaveao na taunuu atu ai leoleo i le fale i Stokes Valley, ma e faapea e taunuu atu ua uma le soifua o lē ua maliu ma o le toatasi na faamanu’alia o lea na faia lona taotoga ananafi ma o loo iai i se tulaga tigaina.

O se tala faanoanoa mo tagata o lea pitonuu, ma mai le councillor ia Naomi Shaw, e faate’ia le toatele o tagata Stokes Valley ona o se nuu filemu ma e lē masani ona faalogoina ni mea faapea.