O loo taofia pea I le falemai le tagata na aafia ise faalavelave I le faiauga o le vaiaso I Sini, na fanaina ai e se tagata ao faia se asofanau o se teineititi I le fale I talaane o le vaega na tupu ai le faalavelave.
O le pitonuu o Hebersham I Sini na tupu ai le faalavelave na faateia ai I latou sa iai I lea taimi ile faalogoina o le pa ane o se fana ma le feei o tagata ma iloa ai le alii ua aafia o loo ua faamanualia.
Valaau vave leoleo ma agai atu loa ma tapunia lea magaala peitai o sailiga I meapueata a le cctv na vaaia ai se tasi o taavale o agai ese mai ma lea nofoaga I le taimi na faatoa maea ai ona faaologoina le pa ane o le fana.
O le itu e faafetaia ai ona e leai se tasi o tamaiti na iai I le asofanau lea na aafia. E manatu leoleo o se faalavelave na fuafuaina lelei e le na faatupuina ma e oo mai I le taimi nei o loo sailia pea ao iai pea le na aafia I le falemai e tigaina manuaga. O le po anapo na lipotia mai ai seisi foi faalavelave e faapea o se sailiga seleni mo le tsunami na aafia ai Tonga na faaiu ile ave atu o se alii e toatasi I le falemai e tigaina manuaga ina ua faifaitetele se vevesi na tulai mai ma oo atu I luga o le alatele ma vili ai loa e nisi leoleo.
O loo faia suesuega I nei faalavelave.
