Ua fana e leoleo se alii i le itu i Sisifo tutotonu o Sini ma o loo togafitia nei i se falema’i i lalo o le vaaiga a leoleo lea tagata.
O loo ta’ua i le lipoti o loo feta’uaina sa agai sa’o ane le taavale a le tagata lea i malu o le malo ae na agai ane i se taavale gaoi.
Fai mai le 7News o le alii lea e 36 tausaga ma lana pasese e 38 tausaga sa iai pea i totonu o le taavale ina ua taofia e leoleo le taavale i Erskinville i le taeao analeila.
Fai mai o le taavale o le ituaiga o le Ford Falcon sa gaoia atu mai West Pennant Hills i le amataga o le masina. O loo faagasolo su’esu’ega a leoleo i le mataupu lea faapea foi ma le au su’esu’e faapitoa a leoleo i faalavelave tuga.
