Faailoa mai se lipoti mai Brisbane i le asō o se tina ma sana fanau e to’afā na sosola ese mai ma le fale na iai lea na fealaua’i ai se alii ma se fana i le faai’uga o le vaiaso ma i’u ina tulai mai ai se faalavelave. 

Maua e leoleo se valaau mo se fesasoani ona o loo fealua’i solo le alii lea i le tuatusi e pei ona lipotia atu i le faaitu o Stretton poo le ta o le fitu i le afiafi ananafi. 

Fai mai la leoleo o le alii lea e 43 tausaga na feta’uaina mai i llipoti i le asō sa taumafai e osofa’i ane leoleo e faaaogā ai se auupega maai ae foliga o se vevesi na tula’i mai i le aiga na mafua ai, fai mai sa loka ai e lona to’alua i le vaega e iai le faletaavale ae lalafi si a la fanau i le togavao i tua ane o lea nofoaga ma saili fesoasoani i tuaoi.

Faailoa i le lipoti ina ua taunuu leoleo sa momo’e ane iai le tagata lea ma le auupega ma fana ai loa e leoleo, pau lea o le auala na avanoa ane e malupuipuia ai foi malu o le malo na iai

Na aveina atu i le falema’i mo togafitiga lea o loo iai pea i le taimi nei ae fai mai o nai tamaiti 7-14 tausaga le matutua na aveesea uma mai ma lo latou tina e 41 tausaga ma o loo saogalemu.