E iai le tagata na fanaina i totonu o lana taavale ma maliu ai i le itu i Sisifo o Sini.
O lea ua faailoa mai nisi faamatalaga fou e faatatau i le mataupu lea e faapea e 24 tausaga o lea alii o se tama aoga o Marvin Oraiha na fana e le tagata a o saofai i totonu o lana taavale i Elizabeth Hills poo le ta o le 4 i le afiafi ananafi.
Fai mai lipoti e matuai lē malamalama lona aiga pe mafua i se ā lenei faalavelave ae pe faapefea foi ona taulai atu iai lenei osofaiga.
Fai mai sa iai uma i totonu o le latou fale i le taimi o le faalavelave le tina o lē ua maliu ma lona tuafafine 16 tausaga ma e le o faatagaina le oese mai le fale i le taimi nei.
O loo tau faamautu e leoleo pe iai se sootaga o le faalavelave lenei i kegi tietie pasika.
O ata mai le Cannel 7 ua iloa ai le faaleagaina o le faamalama i tua o le taavale i pulufana.
O loo sue pea le tagata na faatinoina lea tulaga.
I ni nai minute talu ona tupu le faalavelave lea ae maua loa e leoleo se isi taavale ua susunu i le faaitu o Green Valley pe ā ma ni nai minute le mamao ese mai le nofoaga na tupu ai le faalavelave.
E le o iloa pe iai se sootaga o nei faalavelave.
O loo faia pea suesuega i le taimi nei.
