E lima tausaga i le falepuipui le faasalaga o se tamā lea na lipotia mai sa faatino lava ma le mautinoa le faasē ese o lana taavale mai le alatele i le saoasaoa e 130km i le itula ma fasiotia ai lona atalii na o le 6 tausaga le matua.  

O le faamasinoga maualuga i Kalaiesetete ua lauina ai le iuga o Niklas Gebhardt ma se faamatalaga mai le tina o le tamaititi ua maliu o Kim Manson.  

Ua lipotia e le Herald o le faamatalaga a lē ua falepuipui nei o ia e aafia i le amnesia ma na te lē o manatuaina le taimi na oso ese ai le taavale mai le alatele i le faalavelave na tulai mai i le 2019 lea na faamaonia ai ona moliaga i le fasioti tagata pa’ivalea.