Ua faafalepuipui David Allan Davies o Levin ona o faiga piopio ma taufaasese lea na ia faaseseina ai faamaumauga a o galue mo le Waka Kotahi i le 2018.
O le tamā 38 tausaga o se tasi e faapea na ia faia lenei solitulafono o le fesuia’i o laisene o tagata ae maua ai ana fualaau faasāina o le methamphetamine.
I le i’uga a le faamasinoga faaitumalo i Palmerston North ananafi, o lea ua faafalepuipui mo le 2 tausaga ma le 5 masina.
Na teena foi e le faamasinoga le talosaga a le loia a lē ua faamaonia lana solitulafono e faasala i le fale ona e na o ia e vaaia lona tina.
E ese mai i molimau a tagata na aafia lea na gaoi mai ai e Davies le tusa ma le $53,000 faapea le isi $98,000 o loo ia taumafai e ao mai, mai le pulega a le Waka Kotahi ua ta’uleagaina ma ua lē toe talitonuina.
Na ta’ua e le Waka Kotahi, o lea ua latou toe siakia faamaumauga o tagata na aafia ma faasa’o, atoa ai ma le toe iloilo o a latou systems ina ia aua ai ne’i toe tulai mai se mea faapea i le lumanai.
