O alii e toalua ia na o la osofaia se kulupu o ni uo i se paka ma iu ina maliu ai se tasi o i latou ia, ua faailoa mai i lipoti i le asō ua falepuipui nei.

Ta’ua e le Stuff o si alii o Nigel Fuatimu sa eva ma ana uo ma faalogologo musika i Jellicoe Park i Manurewa i le masina o Oketopa 2020 ae osofaia faafuasei i latou.

Na matapogia ai sia alii ae sa faaauau pea ona faaoolima iai alii ia e toalua e pei ona ta’ua muamua. 

O Simon Tavita ma Isaac Ramese Stanley na maua i lipoti e le faamaonia le fasioti tagata faamoemoeina, eae faamaonia le fasioti tagata paivalea e pei ona faailoa ai le iuga a le faamasinoga i le amataga o lenei tausaga.

I le lauina la o iuga ua faailoa ai o Tavita ua faasala i le fa tausaga ma le fa masina i le falepuipui a o Ramese Stanley e tolu tausaga ma le masina ma o iuga na tuuina ane mai le faamasinoga maualuga i Aukilani.