Ua faailoa e Falani i lipoti a le BBC ua o latou mauaina ma taofia se vaa suāuu i le Metitirani ma o loo masalomia o se vaega o vaa a Lusia.
Saunoa le Peresetene o Falani, Emmanuel Macron o le vaa suāuu e faaigoa o le The Grinch o loo masalomia i le faalealea ai o se fu’a sesē ma e ono aafia i tulafono faavaomalo e faatatau i matāupu faapea.
O le navy a Falani ma le fesoasoani a paaga mai le UK na o latou ulufale i luga o le vaa lea i le va o Spain ma Morocco ma faailoa ai e le ‘ausu’esu’e i le mae’a o sa’iliga e masalomia le sa’o o le fu’a o loo i luga o le vaa.
Fai mai le ofisa o Lusia i Paris e le’i oo atu ia latou se faamatalaga e tusa o lea matāupu.
Ua faailoa o le vaa na faimalaga mai le Arctic Port aga’i i le itu i Mātū o Lusia ae maua ai loa ma o le fu’a a Comoros lea e i luga o le vaa ma ua faitioina e Lusia gaioiga ua faia i lea vaa.
Fai mai a latou e leai se aiā a isi malo e faaaogā ai ni malosiaga i ni vaa o loo lesitala lelei ma i lalo o pulega a isi malo.
Puna o Faamatalaga: https://www.bbc.com/news/articles/cdexxr2y907o
