Ua aulelei le faitau selau o fale fou i Massey i Aukilani i Sisifo, peitai o lea ua amata ona faalogoina le manogi leaga e mafua ona e lē o iai ni ogapaipa mautu e faaalu iai le suavai lafoa’i ma otaota.
O fale fou nei i Cardinal West e 341 o lea e faaaogā tane lē tumau e alu iai le suavai lafoa’i ma otaota ma toe pamu ese mai e loli.
E faamaonia o lea ua faaoo atu i le puleganuu faitioga ona o le manogi leaga.
Ae mai le sooupu a le Watercare o le faiga o loo faaaogā ai tane lē tumau o se faiga na fai e tau ina faatalia ai ogapaipa mausalī lea na faapea e uma i le tausaga nei peitai o lea e foliga mai ua toe tuu atu i le faai’uga o le tausaga fou.
Fai mai le ta’ita’ifono o le Henderson-Massey Local Board, Chris Carter i tala a le leitio a Niu Sila, o se toe fafagu tele lea mo le puleganuu i le muamua fau fale ae o lea e lē o iai ni ogapaipa mo suavai lafoa’i ma otaota.
O Cardinal West o le uluai atina’e lea o fausaga o fale i Aukilani ua faia i luga o le temporary wastewater system ma e foliga mai o se faiga na talia i le lua tausaga talu ai a o taumafai e unai le fauina o fale fou mo Aukilani ona o le utiuti o fale i le maketi.
Puna o Faamatalaga: Hundreds of new homes in Massey not connected to sewerage | RNZ News
