E faitau selau auala ua faaleagaina i lologa i totonu o le setete o Vitoria mo le taimi nei o loo galulue pea le toatele ua aafia maota ma laoa i le agai atu i nofoaga saogalemu ma ua lipotia foi o nisi o highways e masani ona pisi ai faigamalaga ua matua le mafai ona toe faaaogaina.
Ua folafola ai e le premier o le setete o Vitoria, Daniel Andrews le 165 miliona e faaalu i le toe faaleleia o auala. Fai mai e oo mai i le taeao analeila ua 359 magaaala ua tapunia atoa ona o lologa.
Fautuaina tagata e alofia le uia o faaitu o loo afaina i le taimi nei ae ua faailoa foi e le malo ua o latou maua lipoti o nisi tagata o loo feoai solo i auala o loo lipotia le tapunia ma ua poloka ai ona o le tetele o tafega,
Faailoa e le malo o le a umi se taimi e manaomia e toe faaleleia ai nisi auala.
E silia ma le 300 miliona ua folafola mo peimeni e fesoasoani ai i tagata, 21 miliona ua faaagaga mo aiga ua aafia i se tulaga pagatia tele ae o le a oo atu foi i le 42,250 tala Ausetalia le aofai o tupe o le a mafai ona agavaa ai tagata ua faaleagaina o latou fale ae leai ni inisiua o totogiina.
