E faitau afe tagata na toe o ese ma emergency departments, a o gasegase foi e silia ma le 24 itula o faatalitali o loo alu pea i luga.
Na lipotia e le soifua maloloina e latalata i le 3,400 tagata na toe savavali ese, ma o lea aofaiga e le o faitau ai le toatele e sainia pepa e faailoa ai ua malilie lava i latou e toe foi.
O Bay of Plenty lea o loo maualuga i le fuainumera o tagata e toe o ese, lea e latalata i le 500 tagata i le masina.
Saunoa ai Dr Shane Reti o le sooupu o le soifua maloloina a le National, e moni o lea ua fai lava si umi o faatalitali gasegase e vaaia e se fomai, peitai o le popolega tele o le le vaaia ona e ono iai gasegase tuga e matuai moomia ai le vaaia o le fomai.
E le o faateia le sooupu i lipoti ua sau, e pei ona iai foi le 78 tagata e silia ma le 24 itula o faatali e vaai se fomai i le masina o Mati, ae oo mai ia Iuni ua faga i luga i le 414.
Mai le minisita o le soifua maloloina, Andrew Little e le na o le pau lea, o Iuni na faamauina ai le 540.
A o faailoa ai la e le National ua toilalo le system a le soifua maloloina, ae na saunoa le minisita o loo popole peitai o loo mafaia lava e emergency departments.
Ae mai le aufaigaluega, ua oo i le taimi ua tatau ai ona faaleleia le system.
