I Niu Kaletonia ua lipotia mai le faitau afe o tagata ua aga’i ane i magāala o le atunuu i le laumua o Noumea a o talitalia ai se faafinauga poo se debate a le Palemene o Farani i Paris e faatalanoa ai le lumana’i o le teritori lea o Farani i le Pasefika.
Lipotia e le RNZ pe ā ma le 2,500 sa faailoa lo latou lagolago i le asosi ua faaigoa “One Heart One Voice”, lea latou te tetee i le faia o se faigāpalota e fili mai ai itumalo e 3 o Niu Kaletonia lea e aofia ai tagata e le’i toe nonofo i Niu Kaletonia i luma atu o le 1998 poo latou tupuaga foi.
Fai mai sa faia se savali filemu i Noumea e faailoa atu ai se fe’au tāua i faipule o Farani a o lumana’i ai le latou debate.
Fai mai le mau a tagata sa savavali o lona uiga e foliga ua aveesea a latou aiātatau ma o le a faia e ia faipule i Farani le tonu mo latou ma foliga o le a faaaogā Niu Kaletonia e maua ai ni a latou lava faamanuiaga.
Afai e lē maua sa latou maliega e ao lava ona tuu i tagata Niu Kaletonia latou te faia le faai’uga.
O se tulaga faamāina i le faatemokarasi ma e lē tupu i se isi lava vaega o le lalolagi.
Puna o Faamatalaga: https://www.rnz.co.nz/international/pacific-news/591206/thousands-take-to-the-streets-of-noumea-ahead-of-french-parliament-debate
