Faitau afe tupe faaalu a Carterton i le masina ona o faaviviliga pa’u nei e faaleagaina ai auala.
Le fiafia le pulenuu ia Ron Mark ma fai mai o lea lava e faatupulaia faiga faasolitulafono nei i Carterton, ma e faatiga ulu tele galuega faamama ma auala faalelei o loo fai ai Aso Gafua uma.
E le gata o le alu ai o le taimi o le aufaigaluega ae o tupe alu.
Faamautinoa mai ai foi e le sui o le puleganuu o lea lava e fai ma ripotia i leoleo faaviviliga pa’u taavale nei i Carterton mo faamaumauga.
Taliu mai i le tulafono, ua fai mai le minisita ia Mark Mitchell o loo iai lona mana’oga ia pasia le tulafono i le tausaga nei lea e tuuina atu i leoleo le malosi’aga e mafai ai ona fāoa faamalosi ese mai taavale nei e faaaogā i faaviviliga pa’u i luga o auala.
O nisi o nofoaga o loo faia ai faaviviliga pa’u nei e lata i nofoaga o loo nonofo ai tagata matutua ma e lē gata e faigatā ona maua mai ni ata e fai ma molimau, ae e lē mafai foi e tuaa matutua nei ona taofia faiga nei a talavou.
Puna o Faamatalaga: Boy racers costing Carterton ratepayers thousands each month | RNZ News
