Ua toe tolopo e le Faamasinoga le mataupu faasaga i le tamaitai o loo molia i le gaoi a o avea ma tagata faigaluega i le faletupe o le ANZ seia toe faamae’a mai isi moliaga faaopoopo a leoleo.

O loo maua i lipoti a leoleo o le 80,000 na gaoia ma ua ioeina e lē ua molia o loo masalomia o se tupe lea mai se tasi o teugatupe lea sa ia faia ma faafoliga o se talosaga mai se tagata mo se nonogatupe, mulimuli ane ai tala i tua e lea tamaitai.

Ae sa faatinoina e le faletupe se sailiga o ia seleni ma maua ai nisi teugatupe fou, ma ua faailoa e lea suesuega e tusa ma le $1.2miliona ua masalomia nei na ave e lea tamaitai.

O le aso 3 o Aperila ua tolo atu iai lea mataupu e toe valaauina ai mo le faatulagaga a le faamasinoga, ma se’i faila mai moliaga faaopoopo e pei ona talosaga ai le itu a leoleo.