I le faatoa tatala ai o auaunaga fou ua mafai ai ona faatalosaga rapid antigen tests online, toatele na feseta’i ananafi ma umi ona faatali
O lea na faalauiloa ananafi le upega tafailagi ua mafai ai ona oka rapid antigen test ae piki I le tusa ma le 500 nofoaga ua faailoa mai e le soifua maloloina
Ao faigofie ai la ma sologa lelei le fai o le oka online, e le o le tulaga lea na iai ina ua agai atu e piki
O le toatele e oo atu e le sa’o le nofoaga o loo faasalalau mai, ao nisi e oo atu I le 3 itula o tutu I le laina
Ma o ni lape e le I alo ai le faatonu o le soifua maloloina Dr Ashley Bloomfield ananafi pei ona ia faailoa e moni o lea sa fai si tuai ma na mafua lea I le tuai atu o oka mai Kalaiesetete
Ua toe faamalamalama mai ai foi e Bloomfield e le mafai ona e agai I le GP e piki mai ai
Mo le faafaigofie mai le faatonu, o lea ua faatonuina nei tagata e agai I nofoaga o loo faia ai siaki o le koviti poo se tasi o collection centres e maua mai ai tests, sau ai foi ma le isi feau, ia lava lau pusa onosai
