E tele auaunaga a falemai laiti i tua e le o toe taliaina nisi gasegase fou o fia lesitala.

Molimau mai fomai mai se tasi o falemai i Sisifo o Aukilani i le umi o le taimi o loo faatalitali ai gasegse mo se fomai poo le toe faafoi e le o mafai ona vaai se fomai.

I tala a le leitio a Niu Sila, e oo atu i le ‘afa o auaunaga a falemai e le o toe mafai ona faaopoopo nisi gasegase fou e lesitala ona e le o faigofie le taumafai e faasolo siaki ua leva ona iai i le lisi faatalitali.

O se tasi o falemai faaleaiga i Hobsonville ua savali le lua ma le ‘afa tausaga talu ona latou lē toe taliaina nisi lesitala fou e tusa ma lipoti a le Healthpoint.

O se faaiuga mulimuli ua oo iai ae o le faigofie ai ona maua avanoa o tagata e vaai ai se fomai, lea e faapea e oo atu i le 5 aso e faatali ai.

I molimau a le tele o pulega, o le sailiga o nisi tagata faigaluega ma o loo faalagolago nei i nisi mai fafo.

O lea ua faasolo polokalame faalauiloa e saili mai ai nisi tagata faigaluega a le soifua maloloina mai Aialani, Kanata, Sigapoa faapea Peretania.