Ua faamaonia nei e le Panthers le mae’a ai o le konekarate a le alo o Samoa ia Stephen Crichton i le faaiuga o le tausaga 2023 ma o le a agai e taalo mo se tasi kalapu lakapi liki.
I ripoti a le NRL News na faailoa ai i se pepa o faamatalaga a le Panthers i le amataga o le vaiaso na logo atu ai i latou e le pulega (management) a Crichton o le a tau saili nisi avanoa mo le alii taalo i nisi kalapu i le tausaga e 2024.
O loo mautinoa foi i se faamatalaga a le alii o Crichton i ona uso taaalo i le Panthers ia latou toleniga o lenei vaiaso na ia ta’ua ai o le a ave lana faamuamua i le tamailosaga 2023 ma e ui o se faaiuga sa fiagata ona fai ae o le a taulai lana silasila i le lumanai.
Ta’ua foi e Crichton e talitonu e le o le mutaaga lea o lana mafutaga ma isi tama taaalo a le Panthers ma o se mafutaga e oo i le faavavau.
Mo le taimi nei o loo tolegi malosi le alii o Crichton mo soo se taaloga a le Panthers mo lenei tausaga ona mulimuli mai lea o isi ana fuafuaga mo se isi kalapu o le a taalo ai e amata atu i le 2024.
