Lagona o le faanoanoa ma le faate’ia ua iai se tasi o ekalesia i Aukilani ina ua mautala i nisi o ona tagata lotu ua maliliu i le faalavelave na tula’i mai i Picton i le Aso Sa.
Tala a le TV1 o loo molimau ai le faafeagaiga o le Elim Christian Centre i Pukekohe, Darryl Booth i lagona ootia o le komiuniti ina ua sau le tala faanoanoa.
O le faalavelave lenei ua maliliu ai tagata o le aiga e to’afitu a o iai i luga o le auala e aga’i e pu’e le vaa e toe taliu mai ai i Aukilani. O le ulugalii ia Paul ma Desiree Brown ma lo laua alo e faapea o nisi o sui o le ekalesia ma o le a lē galo.
Ua tuufaatasia ai e le ekalesia se sailiga seleni i luga o le Givealittle e fesoasoani i le aiga mafatia, ma e le’i atoa se 24 itula ae foa’ia e le lautele le silia ma le $45,000 o le $50,000 o loo tuli. Ese mai lea ekalesia e faapea foi le ekalesia Katoliko a tagata Filipino i Aukilani lea foi ua saili seleni e fesoasoani ai i le aiga.
