O nisi o i latou e atamamai ma a’oa’oina lelei i mataupu tau i fale ma o latou tau, ua o latou faailoa i se lipoti a le ABC, o loo iai tali faigofie o le faafitauli o loo feagai pea ma le atunuu i le taugatā o fale mautotogi.
O faamaumauga mai le tausaga talu ai i le 10th Annual SGS Economic Rental Affordability index na iloa ai i le tausaga na te’a nei o tagata mautotogi i Sini ma Perth e sili atu tupe o loo latou totogiina i rent ma ua faaauau pea ona faamauina le to’atele o tagata ua lē gafatia le tau o fale totogi i vaega eseese o le atunuu.
O se tasi lenei o mataupu o loo mata’itū e le to’atele i le tele o le mau campaign ua faia nei o le palota, poo fea tonu o taoto ai se faaamāmā avega mo le au mautotogi.
Fai mai le ta’ita’i o le Itu Agai, Peter Dutton o latou ia e vaavaai i le faateleina o le sapalai o fale ma ua o latou ofoina ai foi le 500 afe o poloka eleele e tuuina i le maketi mo le faateleina o nofoaga e mafai ona mautotogi ai tagata.
Fai mai Albanese ia o lana faigamalo o loo vaavaai i le fausia o le 1.2 miliona o fale a o le’i mae’a le 10 tausaga.
Puna o Faamatalaga: https://www.abc.net.au/news/2025-02-24/solutions-to-rental-affordability/104910672
