O se tasi alo iloga o le pasefika I le faagatama o le lakapi, Toutai Kefu o le a avea ma faiaoga o le au lakapi a Tonga o le a fetaui ma le Queensland Reds I se taaloga ua faia faapitoa mo le sailia o se fesoasoani tau tupe mo le motu o Tonga aua mea faaleagaina I le tsunami ma le maugamu.
Fai mai le ABC o tama taaalo e pei o George Smith, Wendell Sailor ma Lote Tuqiri lea o le a auai ile au a Tonga mae ua taua o le taaloga o le a talamalae ile taaloga a le Queensland Reds lea ua faatulaga mo le Super Rugby Pacific ile aso 19 o le masina nei o Fepuali I Lang Park.
Saunoa Kefu e taua tele ia te ia lenei taumafaiga e saili fesoasoani ai mo ona tagata ma e toatele foi tama taaalo o loo lagolago I lenei faamoemoe aua o le toatele foi e iai sootaga i le Pasefika ma Tonga. O seleni o le a maua I lea taumafaiga o le a lafoina I le motu mo le fesoasoani I galuega toe faaleleia aemaise I vaega sa matuai aafia ile tsunami.
E nao le 40 minute le umi o le taaloga mae le taumate o le a tumutumu ai tagata mai le pasefika aemaise foi Tonga e lagolago I lenei taumafaiga taua.
