Ua amata i le vaiaso nei ni suiga i itula e tatala ai le vaega mo gasegase tausāvali i le maota gasegase o Tupua Tamasese Meaole i Motootua, ona ua faailoa e le matagaluega o le soifua mālōlōina ua to’agaogao le aufaigaluega.
O le vaega o gasegase tausāvali o le a tatala i le 8 i le taeao ae tapuni i le 8 i le po.
O gasegase tigaina ma ni faalavelave faafuase’i o le a faaaogā le vaega o gasegase faafuase’i poo le emergency department.
Ua faailoa e le matagaluega i se faasalalauga faalaua’itele o le aufaigaluega ua to’agaogao o foma’i.
O lea suiga o le a faatino i se tulaga lē tumau ae e lē o faailoaina i le faasilasilaga poo afea o le a toe foi ai i itula masani lea auaunaga a le soifua mālōlōina.
E iai le talitonuga o lea ua tulalata i aso mālōlō o le faai’uga o le tausaga, e iai nisi o le aufaigaluega e pei o foma’i ma tausi soifua ua ave aso mālōlō.
