Ua agai faletupe i totonu o le atunuu e faia suiga e mafai ai ona vave maua tupe a tagata i taimi e lafo ai.
O le system o loo iai nei, e na o aso o le vaiaso e vave maua ai tupe pe a lafo i le va o teugatupe faia i isi faletupe, peitai o le tala fiafia o lea o le a suia e ala i le tutusa uma o aso e 7 o le vaiaso ma o lona uiga o lea foi o le a le toe tau faatali i le Aso Gafua o le vaiaso fou pe a lafo i le faaiuga o le vaiaso.
O faletupe ua malilie iai o le Kiwibank, ANZ, BNZ ma le Westpac ma o lea ua tutu faatasi ai i lalo o le scheme ua ta’ua o le 365-day pay ma le faamoemoe ia faafaigofie ai i paaga.
O le aso 26 o le masina fou e amata aloaia ai lenei suiga fou.
