Ua folafola mai e le taitai o le itu agai i Ausetalia nei Peter Dutton toe fetuunaiga i lana laina i luma, frontbench ona o suiga ua faia i le faamavae ai o nisi sa umia isi tofiga tāua i le vaega faaupufai.
O le minisita fou ua iai nei, Shadow Minister for Indigenous Australians ua filifilia iai Senator Jacinta Nampijinpa Price.
O lē sa umia le tofiga o le shadow attorney general ma iai foi i le tulaga lea ua suia nei, o le faipule o Julian Leeser ua agai ese ma le frontbench ona o le lē fiafia i le tulaga o le latou vaega faaupufai i le finauga mo se leo o uluai tagata e ala i le Voice.
O le asō foi ua faamaonia ai i lipoti le faamavae o lē sa avea ma home affairs minister Karen Andrews mai le laina i luma a le soofaatasi poo le coalition ma o le a lē toe tauva i le palota o loo loma ae fai mai e leai sana faaiuga e faia i le tetee o lana pati i le mataupu lea i le Voice.
O le tamaitai sa avea ma minisita i le faigamalo talu ai, Michaelia Cash o le a faasee ane e sui tulaga ia Andrews.
