E ono lē na o le pau ai lea o mea sese a le ua tuli ma le kapeneta Stuart Nash i le vaiaso nei.
I saunoaga a le komesina o leoleo ananafi Andrew Coster e foliga mai ai e iai isi, ma a o faasolo ai suesuega faapitoa ua sau ai ma le tele e ono faaopoopo pea le lisi.
A o fai mai ai la Nash e le faamavae ma le Palemene e ui ua tuli ma le Kapeneta, e leai se palota laititi mo Napier e faia ona e le faamavae.
Ae i lipoti a le Newshub e tasi lea vaiaso lea o loo tuuina atu ia Nash e toe mafaufau lelei ai, peitai e ono iai le avanoa e le toe momoe i le faigapalota tele ia Oketopa.
O Stuart Nash e le o se tagata e masani ai ona faalogoina ni mea sese e tauleagaina ai lona igoa ma o ia foi o le great-grandson a lē sa avea ma Palemia a le Labour i tausaga ua alu, Walter Nash.
Ua faatoese Nash e ala i sana post na faasalalau i luga o le Facebook e le gata i le Palemia, tagata o lona itumalo, le pati a le Labour faapea le kapeneta.
O le imeli ua tuli ai nei Stuart Nash, o lea na iloa e le ofisa o le Palemia i le 2021 poo le taimi lea na tulai mai ai Jacinda Ardern ma a o fai mai ai e le Palemia o loo iai nei Chris Hipkins e lei silafia e Jacinda faapea lē o loo vaaia le aufaigaluega a le ofisa o le Palemia, ua fai mai le taitai o le National Christopher Luxon, o lea lava sa nanā e le ofisa o le Palemia mo le lua tausaga.
