O loo faia nei se suesuega i Niu Sila nei ina ia faia se tuipuipui e taofia ai le pepesi o le Bovine Viral Diarrhea poo le BVD lea fai mai e aafia ai le tusa ma le 80 pasene o manu papalagi.
O loo ta’ua e le One News o tuipuipui o loo iai i le taimi nei o lea ituaiga faama’i e mai atunuu i fafo ae o le uluai poloketi lea ua silasila ai i se tui i totonu lava ia o Niu Sila e pei ona saunoa iai le minisita lagolago o faatoaga, Andrew Hoggard.
Fai mai o le galuega o loo faatino e tagata Niu Sila mo Niu Sila lava ia ma o loo galulue ai iunivesite ma kamupani tau faatoaga ma le soifua maloloina mo se iuga e penefiti uma ai le atunuu.
Fai mai o lea faama’i e sili atu i le 150 miliona e faaalu ai a le aufaifaatoaga i le tausaga i tupe e lusi atoa ai ma le pe ā ma le 40miliona e faaalu i le tau taofiofia o le pepesi i nai meaola.
Puna o Faamatalaga: https://www.1news.co.nz/2024/06/24/new-bovine-disease-vaccine-research-underway-in-nz
