Ua faia se poloaiga faafuaseI faalauaitele i lalo o le tulafono ua faaigoaina i le faa-Peretania o le Public Safety Preservation Act ona o se tulaga o loo tulai mai i Kuiniselani.

Taua i lipoti a le aufaasalalau mai lea setete o se vaega o Kuiniselani o loo agai iai lenei poloaiga mo le saogalemu lava o tagata, fai mai o loo iai se search warrant a leoleo e suesue ai se fale e i totonu o le ogaeleele lea o loo faapatino iai le poloaiga.

Ua fautuaina tagata lautele ia alofia le agai atu i lea faaitu ae o loo iai foi se isi faalavelave tele o loo lipotia mai i Brisbane o se afi ua sasao ane i se nofoaga o le wrecking yard poo le tea o le 12 i le aoauli nei taimi Ausetalia.

Fautuaina tagata ia faamamao ese ma o loo galulue ai nei fuimu ma leoleo i le suesueina o le mafuaaga o lea afi.