O se faaaliga tele e faaaloalogia ai le tupu tamaitai o Elisapeta ua faatulaga nei i Vitoria i le fale o le palemene. O le aso ananafi na faailoa mai ai e le 9News o lea ua tatala lea faaaliga i le taimi nei mo maimoaga a le atunuu.
E aofia ai ata o le tupu tamaitai, portraits ma isi o mea e manatua ai faapea foi ma le faaalia o ata o ana faigamalaga i le taimi a o soifua.
E leai se tupe e totogiina e maimoaina ai lea faaliga ma e amata tatala atu i le aso ananafi mai le 10 i le taeao i le 6 le afiafi seia oo lava i le Aso Faraile o le vaiaso fou.
Fai mai e umi se taimi sa laina ai le lautele o le atunuu i fafo ane o le fale o le malo i le aso ananafi e faailoa ai le faaloalo i le tupu tamitai.
O loo faaauau pea ona faaoo ane ai ma fugalaau i fafo ane o le fale o le malo ma o le mau a le kovana o Vitoria Linda Dessau e faapea sa iai lava le sootaga faapitoa a le Tupu tamaitai ma le setete o Vitoria.
