Ua faasolo pea i lalo le tau o oloa tau suauu ma penisini i Samoa, ae o loo lele ane pea i se tulaga maualuga le tau o isi oloa aemaise o taumafa mai fafo.
O le galuega lea o loo feagai nei ma le Komiti e faatonutonuina le tau o oloa manaomia i aso uma o le saili pe aisea ua siitai maualuga ai le tau aemaise ua sili ona maualuga le tau e fela’ua’i oloa i le va o atunuu o se tasi o tulaga faigata e le o mafai ona oo iai le malosi o fuafuaga a le Malo e faatonutonu ai, ona o kamupani vaa o loo pa’ū iai lea tulaga.
Ua faailoa e le taitai o le Malo le afioga i le tamaitai Palemia, o le faamamafa lea o loo taumafai iai ia unaia le atunuu e atiina a’e faatoaga, ma isi taumafaiga e mafai ai ona maua pea taumafa ae ia tuuitiitia ai le faalagolago i oloa tau taumafa mai fafo e pei o le pusamoa lea ua tietie mai luga i le selau tala lona tau.
Le afioga i le tamaitai Palemia, afioga Fiame Naomi Mataafa.
