Ua tapena tagata o loo nonofo i Mangere Bridge e faia lava e i latou la latou poloka ananei faapea taeao mo puipuiga.
O le auala savali ma le auala mo uila vilivae o loo sosoo ai lea pitonuu ma Onehunga, o lea sa toe faaleleia mo lea mafuaaga, peitai ua pei ua fai ma nofoaga e fai atu iai le lē mafaufau o nisi.
Ua sau ai ma tala a tagata o loo nonofo i lea vaega o Aukilani o le a sauni e faia a latou poloka na amata mai ananei.
O se faaiuga ua faia ai e i latou nei ona e iai lagona e lei talia e leoleo faasea na ave iai i le tausaga e 2019, ma e faapea faatoa gaioi atu ina ua maliu ai le tagata e mafua mai i laau malosi.
Na saunoa Malcolm Turner o le ua fai ma sui o tagata o loo nonofo i Mangere Bridge i tala a le TV1, ua moomia foi e i latou le moe lelei i le po ma e le mananao e toe tupu mea na tutupu muamua
A o amata ai e tagata o Mangere Bridge, o lea foi ua oo la latou talosaga i le Council, ma na ta’ua e le sooupu o le Council o lea ua talo le fonotaga ma i latou nei i le vaiaso fou.
