O lē sa amataina le Hillsong Brian Houston ua ta’ua i se lipoti i le aso ananafi a le ABC ua agai ni ana faamatalaga i le fono faatonu a le ekalesia lea, ua ia ta’ua ai ua oomi mai i fafo ia o se faifeau sinia ina ua molia o ia i le ufiufi o tuuaiga faasaga i lona tamā.
O ana famatalaga ia sa faia i lana lauga lea sa faasalalau tuusao i le tusa ma le 340 afe o tagata o loo mulimulitai i lana facebook page i le taeao ananafi.
O le masina o Ianuari o le tausaga nei na faasee ese ai Houston mai le faatonu o le fono faatonu ina ia tali i moliaga sa faia ia te ia ma o loo ia teena.
I lana tautalaga i le aso ananafi sa ia faailoa ai o le fono faatonu a le lotu ua latou faatupu ni faamatalaga sese ma talafeaveai faasaga ia te ia ma ua ia ta’ua foi e sese faamatalaga o loo ta’ua ai o ia o se tagata inu ava ma ia faatoese ai i tagata o loo aofia.
