Ua iai moliaga ua faia i tagata o loo fetaua’ina sa taumafai e faasese le malo e ala i le Covid-19 Wage Subsidy. Ua faailoa e le matagaluega o le Social Development ua molia tagata e to’a 16 ma e aofia ai se vaegatupe e silia ma le 680 afe o tupe a le ‘au totogi lafoga.
O loo ta’ua foi e to’alima isi tagata e ono su’esu’eina i le mataupu lea ma o loo faaauau pea su’esu’ega a le matagaluega.
O le faamatalaga a se tasi o tagata su’esu’e mai le Iunivesite o Canterbury, Michael Gousmett na faia i le Newstalk ZB na ta’ua ai sa tatau ona iai nisi faamatalaga faaopoopo e tāpā mai pisinisi ina ia faamaonia ai ua faaitiitia ni tupe maua i le 30 i le 40 pasene.
