E ogaoga moliaga ua feagai ma se tasi alii i Aukilani i le mae’a o se faalavelave na aofia ai ua feta’ua’ina ai le faaoolima ma le ave faamalosia o ni alii se toalua i Westmere i le masina ua tuanai atu.
Ua faailoa e leoleo i le lipoti a le One News o alii e toalua ua feta’ua’ina na tata’i ane i le faaitu lea ona o se faatauga taavale peitai ina ua taunuu i lea nofoaga sa fuafua e feiloa’i ai, na faamalosia ona faaoso i totonu o se taavale ma faamalosia e tala ane tupe ma lipotia foi sa faaoolima iai ni tagata, ma ave atu ai i le falema’i.
O lea la ua faailoa mai i le asō ua molia nei e leoleo se alii e 21 tausaga ma e tulai i le faamasinoga i le asō, ua tuua’ia i moliaga e lua o le ave faamalosi, gaoi, faaoolima ma le ave faasolitulafono o se taavale ma le faaoolima faamoemoeina.
Puna o Faamatalaga: https://www.1news.co.nz/2024/08/02/charges-over-violent-kidnapping-and-assault-of-pair-in-auckland/
