O le vaiaso nei ua faia ai i Queenstown le nofoaga faapitoa e faia ai tuipuipui mo soo se tasi.

O taeao faasolo atu i le Aso Lulu o le a mafai ona agai sa’o ai turisi faapea le lautele i le Queenstown Events Centre e faia fua ai tuipuipui o le Koviti, misela, mami, fulu ma isi faamai.

I se lipoti mai le Te Whatu Ora o lea ua faaopoopo le lamatia o tagata mai faamai pepesi i le komiuniti talu mai ona toe tatala tuaoi o Niu Sila ma o Queenstown lea e tele ina aafia ona o le toatele o loo asia.

Pau tagata o le a lē mafai ona agavaa i tuipuipui, o fanau e i lalo mai o le 5 tausaga, ma e na faatalanoaga faia fua o le a mafai ona ofoina mai.

O lenei fuafuaga o loo tuufaatasia e le pulega a le soifua maloloina ma nisi o health providers i Queenstown.