E faitau selau tagata malaga i le atunuu o loo taofia i nofoaga taofia ma o le a tumau ai pea i ia nofoaga ina ua faailoa mai le faaiuga a le faamasinoga i le asō e uiga i le finauga a se tasi alii mai Iran lea na ia ave le mataupu i le faamasinoga.

Fai mai e 37 tausaga ma e faaigoa o ASF17 ma ua ia ave i le tulafono lana finau e lē tatau ona toe tipotiina o ia i Iran ae mafua ona toe tipoti ona o le mae’a o le taimi faatulagaina o lona visa, asylum seeker visa lea na teena.

Ta’ua i le lipoti na muai sailia mai se nofoaga e aumau ai lea tagata i Ausetalia ina ua taunuu mai i se vaa i le 2013 ma nofo mai ai lava i le nofoaga taofia.

O lea la ua faailoa mai le faaiuga a le faamasinoga ua teena ai lana finau e fua i le faaiuga talu ai a le faamasinoga e solitulafono le taofia o se tagata i se nofoaga faapea i se taimi e lē mailoa le umi.

O le faaiuga lea na afua ai le toe tatala i tua o le silia ma le 150 o tagata sa taofia foi i ia nofoaga.

Puna o Faamatalaga: https://www.9news.com.au/national/high-court-immigration-detention-ruling-on-iranian-asylum-seeker/48199836-049c-4916-8755-a55047cd0c98