O Amanda Rishworth lea o le a avea ma minisita o le NDIS ona o le a mālōlō litaea le minisita sa iai o Bill Shorten.
Ua faia ai nei fetuuna’iga i le Kapeneta a Ausetalia e pei ona iai lipoti i le aso.
O Anika Wells o le a ulufale ane i le Kapeneta ma Katy Gallagher o le a minisita i auaunaga faalemalo.
O Dr Anne Aly o le a minisita lagolago ia Rishworth.
O le Aso Gafua o muamua o le a tuua ai e Shorten le Palemene ma ua fuafua foi o le aso lea o le a faatauto ai i latou o le a suitulaga i ia tofiga.
Ua faia ia fetuuna’iga a o lumana’i ai le faigapalota ma e manatu nisi ua talafeagai tonu le taimi e fai ai ia suiga.
Puna o Faamatalaga: https://www.abc.net.au/news/2025-01-16/rishworth-ndis-minister-wells-cabinet-reshuffle/104823664
