Ua iai nei ni fetuunaiga ua faia i faigamalaga a vaa i le asō ona o le tulaga faaletonu o le tau ua molimauina nei.

I se lipoti lata mai ua faailoa ai o matagi malolosi ma timuga mamafa ua motusia ai le eletise i Tamaki Makaurau ma lipotia foi taavale lavevea. 

O nisi malaga a vaa, ferries ua faaleaogaina ma o loo agai atu leoleo i nisi o faalavelave tau taavale i luga o le motorway i le itu i Matu ma Saute i Sisifo o Aukilani. 

O loo iai fautuaga ua faatulaga i le ala laupapa poo le Harbour Bridge ma ua faaitiitia foi le saosaoa faatulagaina i luga o ia alatetele.

O loo iai foi lipoti o se tasi o vaa tele cruise ship sa iai se faaletonu i le laina sa taula mai ai i le uafu ma sa toe fai ai galuega e faamautinoa o loo saogalemu.

Ua fautuaina e leoleo le faaeteete o tagata uma ona o uiga louloua o le tau.