Ua toe fetuuna’i e le Premier o NSW Chris Minns lana Kapeneta.
O Steve Kamper ua tuuina iai le auaunaga o galuega ma tulisi, o le Minisita o Felaua’iga o Jenny Aitchison ua avea foi nei ma minisita mo alatetele ma o le a fesoasoani foi e faamāmā le avega i le minisita o John Graham lea ua tuuina mautū iai le auaunaga o fela’ua’iga.
Fai mai Minns sa fia faamautū e iai se au sinia e iai le tomai i auaunaga ia mo le au fai taavale.
Mo le ulua’i taimi ua filifilia ai nei le faipule o Lismore o Janelle Saffin o le minisita o pisinisi laiti.
Ua afua fetuuna’iga i le Kapeneta ona o le faamavae o Jo Haylen ona o le mataupu e faatatau i lona faaaogā o le avetaavale faaminisita i ni malaga se lua i faai’uga o vaiaso e le’i mamao tele atu.
Puna o Faamatalaga: https://www.9news.com.au/national/nsw-cabinet-seats-state-politics-premier-chris-minns/1ee742d3-b64e-4714-b651-c75a845db1e7
