Ua folafola mai e le Faigamalo a Ausetalia ua o latou tuuina ni sa poo sanctions tau tupe faapea foi i tulaga tau femalagaaiga i nisi o tagata Iran e toalima, na iai sa latou matafaioi na faatino i le polokalame a Iran na fana ai le latou missile agai ia Isaraelu.
Fai mai le ala ata 9 o le aso 1 o Oketopa na fana ane ai e Iran missiles agai ia Isaraelu, fai mai le Faigamalo a Ausetalia o se faamatau lea i le saogalemu faavaomalo. Fai mai Iran o le tali ane lea i le tele o le mau osofaiga sa faia atu a Isaraelu i lo latou atunuu ma le kulupu a le Hezbollah lea o loo latou lagolagoina.
Eui i lea fai, mai Ausetalia o sa ua faatulaga i le asō e aofia ai ni faatonu se toalua ma se ofisa sinia o le Iran Aerospace Industries Organisation le faatonu o le Shahid Bagheri Industrial group ma le faatonu ole Shahid Hemmat Industrial. Ua atoa ai le 200 o i latou e iai sootaga i Iran ua faia iai sa ia e le faigamalo a Albanese, e aofia ai ma i latou e iai sootaga i le Islamic Revolutionary Guard Corps ma ua lipotia o loo faapea foi ona faia e isi atunuu pei o Amerika ma Peretania.
O le aso foi ananafi na faia ai ni sa e e Iuni a Europa faasaga i le sui minisita o le puipuiga a Iran ma isi sui sinia ole latou Revolutionary Guard ma ni kamupani vaalele se tolu ona tuuaiga o i latou na sapalaia ane drones missiles ma isi auupega mo Lusia ina ia faaaoga i le taua faasaga ia Ukraine.
Puna o Faamatalaga: https://www.9news.com.au/national/australia-imposes-financial-sanctions-on-five-iranians-linked-to-missile-program/c08e9b3a-927a-408e-8687-b1a34d2b50e1
