O le sa avea muamua ma palemia o Niu Sila o Sir John Key ua ia faia ni faamatalaga i nusipepa i Ausetalia nei e faapea na te le o vaai ia Saina o se atunuu fia malosi ae tatau ia Niu Sila ona toe mafaufau toto’a e tusa o ana faamatalaga sa faia faasaga i lea atunuu.
O le nusipepa o le The Australian o loo lipotia ai ia faamatalaga na faia e Key ma ia taua ai o lona manatu o mataupu o loo feagai ma le West ma Saina e le fou ma o loo iai lona popolega e iu ina faamatau i le mafutaga a Saina ma Niu Sila, nisi faamatalaga o loo tuuaia ai Saina.
E fai si tele o mataupu ua faia ai faamatalaga a Niu Sila ia Saina e pei ona faailoa e le Newshub e aofia ai le mataupu i aiātatau a nisi o tagata ua oia i Saina ma nisi o uiga le manuia ua faaalia i le South China Sea.
