Ua fai mai le pulenuu o Aukilani e le faamavae, o lana lea tali atu i faamatalaga e faapea ua tatau ona faamavae.
O lea ua silia ma le 15,000 saini o le petition na tuufaatasia e nisi o tagata Aukilani ona o le lē fiafia i le tuai ona tali mai o le pulenuu Wayne Brown i le taimi na tigaina ai lona aai i le Aso Faraile talu ai.
I sana tali ananafi, na saunoa Brown na tofia ia e tagata Aukilani e faaleleia mea ua faaleagaina ma e le faamavae.
O se tasi o taitai iloga i le komiuniti i ana galuega fesoasoani o Dave Letele, o lea foi na saunoa faalauaitele ananafi ua tatau ona alu Brown.
A o teena ai la e le pulenuu le talosaga ua folasia, na ia tautino ananafi e lei lelei lona tali mai faapea lona ofisa i le po o le Aso Faraile.
