Ua saunoa le sui Palemia o le atunuu o iai nei Carmel Sepuloni, ua vave tele ona fai mai se faamatalaga pe o le a faalauiloa e le Leipa se Capital Gains Tax pe a toe manumalo i le isi palota o loma nei.
O le faamatalaga na faia e Sepuloni i le faatalanoaga ma le sui faasalalau o Mike Hosking na ia faailoa ai e le mafai ona ia faailoa ma faatalanoa se faiga faavae tau lafoga i le taimi nei auā e le o se mea ua mae’a ona fai.
Na ia faailoa foi e lei faia sa latou talanoaga pe soalaupule foi lea mataupu i le vaega faaupufai e ala i le latou anavatau i le agai atu i le isi faigapalota.
O Sepuloni o loo sui Palemia i le taimi nei a o toesea ai Hipkins lea o loo auai atu i sauniga o le faauuina poo le faapaleina o le tupu o Peretania, King Charles.
