Ua lipotia i le RNZ Pacific se faamatalaga a le minisita o le va i fafo a Saina o Wang Yi e faapea o le a faatulaga e Saina se faaputugatupe e fesoasoani ai i atunuu o le Pasefika e tetee atu ile faama’i o le koviti 19.
O ia faamatalaga pei ona taua ile lipoti na faia e Wang ile uluai fonotaga a Saina ma minisita ole va i fafo a le Pasefika na faia i Beijing faaaoga ai fesootaiga faaonaponei le video link. Na ia taua ole mafutaga a Saina ma atumotu o le pasefika o loo lelei aemaise faiga faapaaga ma ole a fesoasoani iatumotu ole pasefika e ala i le foaiina o tui puipui ma amataina se faiga e fesoasoani ai i atunuu e ala ile faaputugatupe.
Taua ile lipoti le faafetaia e sui o atumotu o lepasefila ole atunuu o Saina mo ana fesoasoani faia pea mole atinae o le itulagi ma ua faaleo ai foi le lagolago mole Global Development Initiative a Saina. O Vanuatu pei ona lipotia ua faia se maliega ma Saina e sapalai atu ai seisi uta faaopoopo o le Sino pharm vaccines mo lo latou atunuu.
