Ua saunoa Winston Peters le minisita o le va i fafo a Niu Sila, e lē faafefea ia e faamata’u ua fai ane e faatatau i le ave o ia i le tulafono i le mae’a o le maua ane o se tusi mai lē sa avea ma Faipule i le Palemene o Ausetalia o Bob Carr.
Ua lipotia e le RNZ na osofaia i se finagalo o Peters finagalo faaalia o Bob Carr i le mataupu e faatatau i le AUKUS e pei ona lipotia i le Morning Report i le aso ananafi lea na ia faamata’u ane ai o le a tusi ane ana loia ia Peters ma le faamoemoe o le a ave le mataupu i le tulafono.
O le faatalanoaga a Peters ma le autusitala i le asō ua ia ta’ua ai e leai sana measese na faia.
Sa iai i luga o le stage faavaomalo mo se taimi umi ma e lē mafai ona ia agai atu ma fai i se isi atunuu i ni mea e lē tatau ona o latou faia.
Fai mai Peters o le mataupu lea e ogaoga ma e lē fefe ai i faamata’u ua fai ane faapea o le a ave i le tulafono.
Ua tulai mai lea tulaga i le mae’a o ni saunoaga a Peters ma le failautusi o le malo tele o Amerika o Anthony Binken na o la ta’ua ai e iai mafuaaga malolosi i le va o atunuu e lua e mafua ai ona tatau ona auai Niu Sila i le AUKUS.
O faamatalaga a Peters sa faia faasaga i finagalo faaalia o Bob Carr i le faiga faapaaga lea ma Ausetalia ma le United Kingdom faapea Amerika.
Puna o Faamatalaga: https://www.rnz.co.nz/news/political/515878/not-my-first-legal-rodeo-winston-peters-on-defamation-threat
