Fai mai le premier o le setete o Niu Sau Uelese, Dominic Perrottet sa tatau ona logoina ia male minisita o femalagaaiga, David Elliott ile faaiuga na faia e tapunia ai le feoai o trains ile amataga o le vaiaso nei. O le feiloaiga ma tusitala ile aso na tui fesili ai e le au tusitala le premier ile mataupu o loo gugulu ai le setete ile taimi nei.

Fai mai Perrottet o ia o le premier o le setete ae lei logoina atu lenei faaiuga ia te ia faapea foi ma le minisita. O loo taua I lipoti faatoa iloa e le premier ma le minisita le faaiuga ua faia I le taofia ole feoai o trains ile ta o le 4 ile taeao o le aso Gafua o le vaiaso nei ae leai seisin a vili atu ia te ia. Ua faailoa la e le premier ua toe aumai I tua e le Faigamalo a Niu Sau Uelese le mataupu lenei mai le Fair Work Commission ma o le a toe tusia seisi maliega fou.

O ananafi na toe amata feoai ai pasi ma trains ile setete e ui o loo faatapulaa faigamalaga.